Termat në vijim për shitje dhe dërgesa janë të zbatueshme për të gjitha blerjet që bëhen në MR.BRICOLAGE në Kosovë apo nëpërmjet website mr-bricolage.al dhe për dërgesat në të gjithë vendin. Të gjitha marrëveshjet për blerje në dyqanin e MR.BRICOLAGE në Kosovë apo marrëveshjet për blerje nëpërmjet website Mr-bricolage.al duhet të bëhen në gjuhën Shqipe ose Angleze. Blerësit duhet të jenë mbi 18 vjeç që të mund të blejnë produkte të caktuara në dyqanin e MR.BRICOLAGE në Kosovë apo nëpërmjet web faqes Mr-bricolage.al.

Regjistrimi i kompanisë (NUI): 810852881

1. ÇMIMI I PRODUKTEVE

Çmimin e një produkti mund ta gjeni në përshkrimin e produktit, në faqen e produktit online dhe në shportën e blerjes.

  • Për shkak të rrethanave të paparashikuara ose të jashtëzakonshme, të tilla si shitja e stokut ose afatet e gjata të furnizimit nga furnitorët, MR.BRICOLAGE mund të detyrohet të përfundojë disa fushata zbritjesh më herët sesa është reklamuar. Një gjë e tillë do t’u komunikohet klientëve.
  • Çmimi i produkteve në dyqanet MR.BRICOLAGE në Kosovë dhe Mr-bricolage.al nuk dallon (përveç rasteve kur ka oferta speciale promocionale në dyqane të caktuara me rastin e hapjes së tyre, rasteve kur ka oferta speciale të iniciuara nga qendrat tregtare, apo rastin e ofertave speciale të produkteve të kategorisë OUTLET).
  • Çmimi i produkteve përfshin TVSH (tatimin mbi vlerën e shtuar).
  • Çmimi i produkteve nuk përfshin koston e transportit. Kostoja e transportit varet nga dërgesa. Shihni detajet e dërgesës këtu.
  • Disponueshmëria dhe kostoja e produkteve të MR.BRICOLAGE janë subjekt i situatave të mungesës së stokut, si dhe gabimeve të printimit apo edhe çmimit. Kjo vlen si për ofertat e shtypura (në materialet reklamuese dhe katalogët) ashtu edhe për çdo informacion në Mr-bricolage.al. Në rast të gabimeve në çmime, ne do ta korrigjojmë atë sa më shpejt që të jetë e mundur.
  • Të gjitha çmimet janë aktuale dhe përditësohen në mënyrë të rregullt. Në rrethana të jashtëzakonshme, fushata mund të duhet të përfundojë më herët, prandaj çmimi tek “Promocioni valid deri me” shërben vetëm për orientim.
  • Ju paguani produktin me çmimin që ai ka në kohën qe realizoni blerjen. Në rast se gabimisht kemi vendosur një çmim nën kosto për një produkt të caktuar, nuk do të jemi të detyruar që t’ju furnizojmë me atë produkt, me kusht që t’ju njoftojmë para se të dërgojmë produktin tek ju. Në raste të tilla ne gëzojmë të drejtën të anulojmë porosinë tuaj dhe t’ju japim rimbursim të plotë për çdo shumë të paguar nga ju, përfshirë koston e transportit në përputhje me Politikën tonë të Kthimit dhe Shkëmbimit.

2. PAGESA

Kartat e kreditit dhe të debitit

Në shportën e blerjeve do të shihni çmimin total të blerjes tuaj, përfshirë TVSH-në dhe koston e transportit. Ky është çmimi total i blerjes.

Produktet e blera ne mr-bricolage.al mund t’i paguani me këto karta krediti/debiti:

  • Visa
  • MasterCard

Kur paguani me kartë krediti, jeni të mbrojtur nga mashtrimi ose produktet me defekte, pa e rrezikuar veten. Mbrojtja e kartës së kreditit ju ndihmon të merrni rimbursim të plotë nga ofruesi i kreditit.

Pagesa juaj kryhet duke përdorur një lidhje të sigurt dhe të koduar për të siguruar se informacioni juaj nuk mund të jetë i qasshëm nga asnjë palë e tretë e paautorizuar. Pagesa juaj garantohet nga partnerët tanë të pagesës. Ne ju garantojmë se nuk do të ruajmë asnjë informatë të kartës tuaj të kreditit në serverat tanë. Për më tepër MR.BRICOLAGE Kosova nuk mund të ketë qasje në asnjë informatë nga kjo kartë e kreditit.

Nga ju do të kërkohen informacionet e mëposhtme:

  • Numri i kartës (kodi 16 shifror i shtypur në pjesën e përparme të kartës)
  • Data e skadimit (e shtypur në pjesën e përparme të kartës)
  • Kodi i sigurisë (kodi 3 shifror i sigurisë i shtypur në pjesën e pasme të kartës tuaj, mbi shiritin magnetik në të djathtë)

3. KONFIRMIMI I POROSISË

Kur të keni dërguar porosinë tuaj, ju do të merrni një email konfirmimi të porosisë. Konfirmimi i porosisë përmban informacion në lidhje me:

  • porosinë tuaj
  • adresën e dorëzimit të porosisë
  • mënyrën e pagesës
  • afatin e dorëzimit të porosisë
  • çmimet
  • kontaktin e Shërbimit të Klientit të MR.BRICOLAGE Kosova
  • të drejtën tuaj për kthim ose shkëmbim

Porosia juaj është thjesht një ofertë që ju bëjmë për të blerë nga ne.

Shënim: Email i konfirmimit të porosisë nuk do të konsiderohet si pranimi përfundimtar i porosisë tuaj nga MR.BRICOLAGE Kosova.

Asnjë veprim i yni nuk do të konsiderohet si pranim i ofertës tonë nga ana juaj, derisa t’ju dërgojmë një email me të cilin ju lajmërojmë se kemi dërguar porosinë tek ju. Në këtë pikë do të lidhet një “kontratë” midis nesh, për ju që blini produktet tona dhe për ne që shesim produktet e porositura nga ju.

Pasi të procesohet porosia, ju nuk do të mund ta ndryshoni atë (megjithatë ju mund të anuloni një porosi ashtu si përcaktohet në Politikën tonë të Kthimit dhe Ndërrimit).

Në çdo moment, deri në momentin e lidhjes së kontratës, ne mund të refuzojmë të ju furnizojmë me produktet që keni porositur. Nëse refuzojmë furnizimin por pagesa është kryer, ne do ju rimbursojmë plotësisht për ato produkte të cilat janë porositur nga ju, por janë refuzuar nga ana jonë në përputhje me Politikën tonë të Kthimit dhe Ndërrimit.

Ne përpiqemi gjithmonë që të kemi në gjendje tërë gamën e produkteve dhe ju lajmërojmë nëse ndonjë produkt nuk është në gjendje. Nëse për ndonjë arsye përtej kontrollit tonë të arsyeshëm, nuk mund t’ju furnizojmë me një produkt specifik, ne nuk do të mbajmë përgjegjësi ndaj jush, përveç se t’ju sigurojmë që nuk do të tarifoheni për atë produkt.

Në interes të të gjithë konsumatorëve tanë, ne mund të vendosim kufizime për blerjen me shumicë të disa produkteve. Nëse përpiqeni të blini me shumicë produkte që janë të kufizuara për blerje me shumicë, ju do të pranoni një mesazh që ju lajmëron të zvogëloni sasinë e produkteve që po përpiqeni të blini.

Në rast se dëshironi që t’ju ridërgojmë konfirmimin e porosisë tuaj, ju lutem kontaktoni me Shërbimin tonë për Klient.

4. FATURA

Pas dërgimit të porosisë tuaj, emaili që pranoni do të përmbajë informacione për:

  • porosinë tuaj
  • adresën e dorëzimit të porosisë
  • mënyrën e pagesës
  • afatin e dorëzimit të porosisë
  • çmimet
  • kontaktin e Shërbimit të Klientit të MR.BRICOLAGE Kosova
  • të drejtën tuaj për kthim ose shkëmbim

Çdo udhëzim në lidhje me mirëmbajtjen e produkteve të blera do t’i bashkangjitet postës tuaj elektronike me anë të së cilës do ju dërgojmë faturën.

Nëse produkti është nën garanci, kjo do të shënohet në faturë, duke shërbyer në këtë mënyrë edhe si prova juaj e garancisë. Ju gjithashtu do të pranoni një SMS që ju lajmëron për kohën kur do të dërgojmë porosinë tuaj.

5. TRANSPORTI

1. Click & Collect (Kliko dhe Rezervo) – Rezervoni produktin në dyqan

Click & Collect është një shërbim i cili ofrohet për të gjitha produktet që janë të disponueshme në dyqanin tonë.

Ju mund të bëni një rezervim online “Click & Collect” duke zgjedhur një nga dyqanet tona për të tërhequr produktet. Ju do të merrni një mesazh konfirmimi të rezervimit tuaj brenda 60 minutash nga kryerja e porosisë.

Ju duhet të tërhiqni rezervimin tuaj brenda 2 ditëve (48 orë) të ardhshme pasi konfirmimi i porosisë të jetë dërguar me mesazh. Pagesa do të kryhet në momentin e tërheqjes së rezervimit tuaj.

2. Porosi Online – Dorëzimi në dyqanin tuaj MR.BRICOLAGE

Dyqani ynë ka në magazinë një numër të madh produktesh, por jo të gjitha produktet që janë në faqen tonë të internetit janë në dispozicion për t’u blerë në dyqan dhe në momentin e zgjedhur nga ju.

Kjo është arsyeja pse MR.BRICOLAGE mund t’ju ofrojë të bëni porosi nga interneti dhe produktet e përzgjedhura nga ju mund të mblidhen në dyqanin tuaj të preferuar për të bërë tërheqjen. Sapo porosia të jetë mbledhur në dyqanin e përzgjedhur nga ju, stafi ynë i dyqanit do t’ju kontaktojë për të planifikuar tërheqjen.

Ju lutem vini re:

  • Koha e grumbullimit të produkteve të përzgjedhura nga ju, në dyqanin e zgjedhur nga ju është deri në 20 ditë pune.
  • Shërbimi i grumbullimit të produkteve në dyqanin MR.BRICOLAGE ofrohet falas dhe vetëm për porosi me vlerë prej mbi 100 Euro.
  • Produktet duhet të tërhiqen brenda 7 ditëve pasi ju kemi njoftuar që porosia është gati.
  • Për arsye sigurie, stafi ynë i dyqanit ka të drejtën të mos transportojë asnjë produkt jashtë ambienteve të magazinës MR.BRICOLAGE. Ju lutem, sigurohuni që ju mund ta transportoni vetë porosinë tuaj të plotë deri tek makina juaj ose sigurohuni që të merrni dikë për t’ju ndihmuar.

3. Porosi Online – Dërgesë në adresë (aplikohet kosto dorëzimi)

Në MR.BRICOLAGE ne mund t’ju ofrojmë shërbimin e dërgesës në shtëpi në një adresë të përzgjedhur nga ju. Korrierët tanë mund të dërgojnë porosinë tuaj në tërë territorin e Republikës së Kosovës.

Shërbimi i dërgesës dhe kostoja e shërbimit do të varen nga vëllimi i porosisë, pesha dhe zona e dorëzimit. Sapo të vendosni produktin në shportën tuaj dhe adresën e dërgimit të porosisë, një përllogaritje automatike do të realizohet për të përcaktuar kohën e dorëzimit të porosisë dhe koston e saj.

Ne do t’ju përditësojmë në lidhje me porosinë/dorëzimin e saj nëpërmjet SMS mesazheve në telefonin tuaj celular.

Ju lutem sigurohuni që të dhënat tuaja kontaktuese në konfirmimin e porosisë janë të sakta. Nëse keni bërë një gabim në dhënien e kontaktit tuaj, kontaktoni Shërbimin e Klientit MR.BRICOLAGE duke thirrur në 048 20 40 40 ose duke na kontaktuar në rrjetet tona sociale.

Dërgesat me peshë të vogël

  • Kosto e dërgesës: 2.00 EUR
  • Koha e dorëzimit të porosisë: 4–8 ditë pune
  • Dorëzim standard deri pranë objektit për të gjitha porositë. Nuk ofrohet ngjitja në banesë.

Dërgesat e mëdha dhe me peshë të rëndë – p.sh. mobilie, dollapë, shtretër, vegla pune etj.

  • Kosto e dërgesës: 13.00 EUR
  • Koha e dorëzimit të porosisë: 15–20 ditë pune
  • Dorëzim standard deri pranë objektit për të gjitha porositë. Nuk ofrohet ngjitja në banesë.

4. Njoftimet e dorëzimit

Kur bëni një porosi online në MR.BRICOLAGE, ju mund të prisni njoftimet e mëposhtme:

  • Konfirmimi i porosisë do t’ju dërgohet me postë elektronike menjëherë pasi ju të keni krijuar porosinë.
  • Kur porosia juaj të ketë ardhur nga furnitori ynë, në rastet e mungesës së gjendjes, ju do të merrni një email dhe/ose SMS.
  • Ditën e dorëzimit, do të merrni një mesazh nga transportuesi, 4 orë para momentit të dorëzimit.

Në rast të ndryshimeve ose vonesave të porosisë tuaj, MR.BRICOLAGE do t’ju informojë me një email dhe/ose SMS.

5. Kur pranoni porosinë tuaj

Ju lutem, sigurohuni që të gjitha produktet/kutitë që pranoni përputhen me produktet/kutitë që janë të shënuara në dokumentet e dorëzimit. Kontrolloni të gjitha produktet/kutitë për ndonjë dëm të dukshëm.

Mallra të dëmtuara

  • Nëse ndonjë kuti është dëmtuar gjatë transportit:
    • Pranoni porosinë – njoftoni shoferin dhe shkruani “E dëmtuar” në dokumentet e porosisë përpara se të firmosni të njëjtat.
    • Kontaktoni Shërbimin tonë për Klient nëpërmjet numrit të telefonit 048 20 40 40 ose nëpërmjet rrjeteve tona sociale. Fotografi të dëmit duhet t’i bashkangjiten dokumentacionit.
    • Refuzoni të pranoni dërgesën – shoferi ynë do të kthejë porosinë në magazinën tonë. Ju lutem, na kontaktoni në numrin 048 20 40 40 ose në rrjetet tona sociale me qëllim që të planifikojmë dërgesën zëvendësuese.

Produkte që mungojnë
Në rast se produktet/kutitë nuk përputhen me numrin e shënuar në dokumentet e dorëzimit, ju lutem njoftoni shoferin për produktet që mungojnë dhe më pas kontaktoni menjëherë Shërbimin tonë për Klient. Çdo mospërputhje, sado e vogël që të jetë, duhet të raportohet menjëherë tek Shërbimi për Klient i MR.BRICOLAGE.

6. Në rast të ndryshimit të porosisë tuaj

Në rast të vonesave të dërgesës apo mungesave të mallërave të shkaktuara nga çështjet e furnizimit, MR.BRICOLAGE do t’ju informojë nëpërmjet postës elektronike ose me SMS.

Në të gjitha rastet e vonesave, tarifat shtesë të dorëzimit do të mbulohen nga MR.BRICOLAGE.

6. POLITIKA E KTHIMIT DHE SHKËMBIMIT

Keni ndërruar mendjen në lidhje me produktin e blerë? MR.BRICOLAGE është këtu për t’ju ndihmuar.

Në MR.BRICOLAGE kemi kënaqësinë t’ju ofrojmë të gjithë anëtarëve tanë mundësi ndërrimi brenda 30 ditëve nga momenti i realizimit të blerjes. Ndërrimet mund të bëhen vetëm në dyqan, jo përmes postës.

Politika e kthimit MR.BRICOLAGE

  • Në MR.BRICOLAGE, ne i ofrojmë anëtarëve tanë që të kthejnë produktet e blera brenda një hapësire kohore prej 72 orëve nga momenti e blerjes online apo 24h nga momenti i blerjes në dyqan, në dyqanin e MR.BRICOLAGE në Kosovë. (Përjashtohen të gjitha produktet e kategorisë OUTLET apo produkte specifike për të cilat klienti është lajmëruar paraprakisht që nuk mund të kthehen ose ndërrohen).
  • Ne ofrojmë kthimin ose ndërrimin në dyqan të të gjitha produkteve të blera online.
  • Për rimbursim ose shkëmbim të produktit, konsumatori duhet të jetë i pajisur me faturën origjinale të blerjes. Dëshmitë e transaksioneve bankare nuk konsiderohen fatura.
  • Produktet e kthyera duhet të jenë të padëmtuara, papërdorura dhe të paketuara në paketimin origjinal si në momentin e blerjes.

Si të ktheni dërgesa të vogla

Sjellni produktin/porosinë në dyqanin tonë së bashku me faturën e blerjes dhe shkëmbejeni me ndonjë produkt që ju përshtatet më mirë. Produktet duhet të jenë të padëmtuara, papërdorura dhe të paketuara në paketimin origjinal si në kohën e blerjes.

Si të ktheni dërgesa të mëdha

Nëse dëshironi të ktheni dërgesa me peshë të mëdha, ju ofrojmë dy mundësi:

  1. MR.BRICOLAGE mund të marrë dërgesën në adresën tuaj.
    Për sa kohë që porosia juaj përputhet me politikën tonë të kthimit më lart, MR.BRICOLAGE mund të organizojë që të marrë porosinë në adresën tuaj. Thjesht kontaktoni me shërbimin tonë të klientit dhe ne do të planifikojmë shërbimin menjëherë. Ju lutem, vini re se ky shërbim ka kosto ekstra të cilat ju mund t’i shihni të pasqyruara tek tarifat e dorëzimit të dërgesave me peshë të madhe.
  2. Kthejeni produktin/porosinë në një nga dyqanet tona.
    Sjellni produktin/porosinë në një nga dyqanet tona së bashku me faturën e blerjes dhe shkëmbejeni me ndonjë produkt që ju përshtatet më mirë. Produktet duhet të jenë të padëmtuara, papërdorura dhe të paketuara në paketimin origjinal si në kohën e blerjes.

Si të ktheni produkte të blera në dyqan

Sjellni produktin në njërin nga dyqanet tona së bashku me faturën e blerjes dhe mund ta shkëmbeni me ndonjë produkt tjetër që ju përshtatet më mirë. Produktet duhet të jenë të padëmtuara dhe të paketuara në paketimin origjinal si në kohën e blerjes.

Anulimi i porosisë para dërgimit të saj

Në rast se dëshironi që të anuloni porosinë tuaj online para se t’ju bëhet dërgesa, gjithçka që duhet të bëni është të lajmëroni Shërbimin e Klientit.

Shërbimi i Klientit do t’ju ndihmojë në anulimin e porosisë dhe me procedurat e nevojshme për rimbursimin e vlerës apo shkëmbimin e produkteve.

Në rast se refuzoni dërgesën tuaj, ju nuk do të ngarkoheni me kosto ekstra për kthimin e saj.

7. PRETENDIMET

Nëse artikulli juaj arrin i dëmtuar ose me defekt, ju lutemi të kontaktoni Shërbimin e Klientit të MR.BRICOLAGE.

Ju lutem, vini re se ju keni 24 orë kohë që të parashtroni kërkesën për pjesët e munguara të produkteve. Ju sugjerojmë që të kontrolloni produktet menjëherë sapo të pranoni dërgesën.

Si të shkëmbeni apo zëvendësoni një produkt

Sjellni produktin apo pjesën që dëshironi të shkëmbeni apo zëvendësoni në dyqanin tonë. Stafi ynë apo Shërbimi i Klientit do të planifikojë zëvendësimin. Për artikuj të mëdhenj, ju lutem kontaktoni me Shërbimin e Klientit për këshilla të mëtejshme.

Nëse produkti ka qenë i dëmtuar në kohën e blerjes, ju keni të drejtë ta shkëmbeni me një të ri. Përndryshe ne do të përpiqemi ta riparojmë produktin.

Kërkesa juaj duhet të bëhet brenda një periudhe prej 24 deri 72 orëve pas blerjes së produktit dhe zbulimit të defektit.

Produkti duhet të kthehet në dyqanin tonë dhe duhet të jetë i shoqëruar nga fatura e blerjes dhe përshkrimi i dëmtimit.

Nëse vendosni të ktheni një artikull, mund të organizoni dërgesën e tij duke kontaktuar Shërbimin tonë të Klientit. Ju do të jeni përgjegjës për pagesën e kostove të transportit/postës në lidhje me kthimin.

Rimbursimi

Nëse dëshironi rimbursim të blerjes tuaj, këtë mund ta bëni në një nga dyqanet e MR.BRICOLAGE.

Ne ju ofrojmë një periudhë garancie nga 6 muaj deri në 1 vit për produkte të caktuara (me përjashtim të disa produkteve të veçanta).

Pyetje që duhen kontrolluar

  • Ka produkti juaj një defekt cilësie?
  • Mungojnë pjesë nga porosia juaj?
  • Është dëmtuar porosia juaj gjatë transportit?
  • Keni pretendime të tjera lidhur me porosinë tuaj?

Na vizitoni në dyqanin tonë dhe sillni faturën origjinale si dëshmi të blerjes. Gjithashtu mund të kontaktoni me Shërbimin e Klientit.

Ju lutemi të shoqëroni kërkesën tuaj me një imazh të dëmtimit/problemit. Ju lutemi të na jepni numrin e porosisë për të minimizuar kohën e procesimit të kërkesës.

Procesi i aprovimit

Ju lutem, vini re se kërkesa duhet të bëhet brenda periudhës kohore të lartcekur nga koha e identifikimit të gabimit.

Nëse MR.BRICOLAGE aprovon pretendimin tuaj, do t’ju ofrojmë një produkt zëvendësues.

8. POLITIKA E PRIVATËSISË

Është e rëndësishme për ne që të jeni të sigurt kur bëni blerje në Mr-bricolage.al. Ne jemi përgjegjës për të gjitha të dhënat në përputhje me Rregulloren Europiane të Mbrojtjes së të Dhënave 2018 dhe në përputhje me Ligjin Nr. 06/L-082 për mbrojtjen e të dhënave personale.

Të dhënat personale që ne mbledhim do të ruhen nga MR.BRICOLAGE Kosova. Të dhënat ruhen në mënyrë të sigurt në bashkëpunim me partnerët tanë të hostimit.

Në çdo kohë ju mund të:

  • depozitoni një ankesë tek autoritetet mbikëqyrëse në Kosovë (Agjencia Shtetërore për Mbrojtjen e të Dhënave Personale)
  • kërkoni qasje, korrigjim ose fshirje të të dhënave personale
  • kufizoni ose kundërshtoni përpunimin e të dhënave personale

Ju mund të merrni informacione të mëtejshme mbi të dhënat tuaja personale që MR.BRICOLAGE disponon duke na kontaktuar në info@mr-bricolage.al dhe Shërbimin e Klientit të MR.BRICOLAGE Kosova.

Në MR.BRICOLAGE Kosova, jemi të përkushtuar që të respektojmë rregullat dhe ligjet aktuale për një marketing të mirë. Nëse ju keni rënë dakord për një nga shërbimet e mëposhtme, ne rezervojmë të drejtën për t’ju përditësuar me termat dhe kushtet tona pavarësisht nëse e keni tërhequr apo jo pëlqimin tuaj. Ne nuk do t’ju dërgojmë asnjë informacion tjetër.

Mbledhja dhe përpunimi i të dhënave personale

MR.BRICOLAGE Kosova mbledh të dhëna:

  • kur vizitoni apo kryeni blerje në Mr-bricolage.al
  • përmes telefonit ose kur vizitoni dyqanet tona
  • kur merrni pjesë në sondazhe, gara ose promovime
  • kur kontaktoni ekipin tonë të Shërbimit të Klientit në dyqan, online ose përmes telefonit
  • kur krijoni një profil përdoruesi në Mr-bricolage.al
  • kur regjistroheni për MR.BRICOLAGE Newsletter (buletinin informativ)
  • kur vlerësoni produktet tona në Mr-bricolage.al

Çfarë lloj informacioni mbledh MR.BRICOLAGE Kosova?

Për qëllime të shitjes online, kënaqësisë së klientit, marketingut apo përmirësimit të produkteve dhe shërbimeve tona, MR.BRICOLAGE Kosova mund të mbledhë dhe përpunojë të dhënat tuaja personale të mëposhtme:

  • emrin dhe mbiemrin tuaj
  • adresën tuaj
  • numrin tuaj të telefonit
  • email adresën tuaj
  • IP adresën nga e cila kryeni blerjen
  • dyqanin tuaj të preferuar për dërgesa
  • kompaninë

Të gjitha të dhënat do të trajtohen si informacion konfidencial.

Baza ligjore e përpunimit të të dhënave

Përpunimi i të dhënave nga MR.BRICOLAGE mbështetet në bazën e mëposhtme ligjore:

  • domosdoshmëri për kryerjen e një kontrate në të cilën është palë subjekti i të dhënave (p.sh. blerja në Mr-bricolage.al)
  • përpunimi i të dhënave është i nevojshëm për respektimin e një detyrimi ligjor të parashtruar ndaj MR.BRICOLAGE Kosova (p.sh. për të qenë në përputhje me aktet e kontabilitetit)
  • përpunimi është i nevojshëm për qëllimet e interesave legjitime të MR.BRICOLAGE (p.sh. qëllime të brendshme të biznesit si përmirësimi i faqes, produkteve apo shërbimeve tona dhe zbulimet e mashtrimit)
  • miratimi juaj (newsletter, regjistrimi i përdoruesit)

Përdorimi i të dhënave

  • Ne përdorim adresën tuaj elektronike (email) me qëllim që të përfundojmë procesin e porosive tuaja dhe për sondazhe. Nëse dëshironi të pranoni newsletter (buletinin tonë informativ) dhe të informoheni në lidhje me ofertat dhe promocionet, kërkohet parapëlqimi juaj.
  • Ne nuk e përdorim numrin tuaj të telefonit për t’ju kontaktuar për shitje. Ju do të kontaktoheni nga ne përmes telefonit vetëm nëse keni ndonjë problem me porosinë tuaj dhe/ose për të marrë informacion në lidhje me dërgesat.
  • Të dhënat tuaja personale mund të përdoren në rast të ndonjë hetimi policor pasi që ne raportojmë pagesa të rreme në polici.
  • Ne ndajmë informata mbi llogarinë dhe informacione të tjera personale kur e konsiderojmë të nevojshme për të qenë në përputhje me ligjet në fuqi dhe për të parandaluar vjedhjet dhe mashtrimet (p.sh. në lidhje me kartat e kreditit).
  • MR.BRICOLAGE Kosova transferon të dhënat tuaja vetëm tek transportuesi i produkteve në lidhje me dërgesat. Nëse është e nevojshme, MR.BRICOLAGE Kosova i transmeton të dhënat tuaja personale furnitorit të produkteve.
  • MR.BRICOLAGE nuk transferon, shet ose shpalosë të dhënat tuaja personale palëve të treta.

Ne do të ruajmë të dhënat tuaja personale për aq kohë sa është e nevojshme për qëllimet e përshkruara në Politikën e Privatësisë. Periudha e mbajtjes së tyre varet nga lloji i të dhënave dhe arsyeja përse ne i kemi mbledhur dhe ruajtur. Ne jemi në proces të vazhdueshëm rishikimi të periudhës së mbajtjes, duke marrë parasysh arsyet tona dhe bazën ligjore për këtë gjë.

Pagesat në Mr-bricolage.al

Kur blini në Mr-bricolage.al, pagesa bëhet përmes një lidhje të sigurt, e cila siguron që informacioni juaj i pagesës nuk mund të jetë i qasshëm nga palë të treta të padëshiruara.

Kur blini në dyqanet MR.BRICOLAGE në Kosovë

Ne përdorim sisteme të video-mbikëqyrjes në dyqanin tonë. Këtë e bëjmë për të garantuar siguri për punonjësit tanë, për të parandaluar krime të ndryshme dhe për të siguruar prova e informacione të cilat mund të përdoren nga policia dhe hetuesia në rast të ndonjë aktiviteti kriminal. Regjistrimet e pamjeve filmike ruhen në mjedise të sigurta dhe me qasje të kufizuar nga personeli i sigurisë.

Cookies

Ne synojmë që të ofrojmë një faqe miqësore për përdoruesit tanë. Kjo është arsyeja pse përdorim teknologjinë për të mbledhur dhe përpunuar të dhënat në lidhje me përdorimin e faqes sonë. Ne i mbledhim këto të dhëna përmes të ashtuquajturave “cookies”.

Një “cookie” është një skedar teksti që ruhet në kompjuterin tuaj. Kjo gjë nënkupton se faqja jonë ju mban mend kur i ri-qaseni dhe na lejon të krijojmë një statistikë mbi mënyrën se si ju dhe përdorues të tjerë silleni në faqen tonë.

Ne gjithashtu përdorim “cookies” nga partnerë të ndryshëm për të marrë njohuri mbi pjesët e faqes që vizitohen më shumë.

Ju mund të ndryshoni pëlqimin tuaj për pranimin e “cookies” në çdo kohë. Ju mund t’i fshini “cookies” në çdo kohë. Në aboutcookies.org gjeni një udhëzues për shfletues të ndryshëm. Cilësimet e “cookies” do të fshihen automatikisht pas 12 muajsh.

Disa pjesë të Mr-bricolage.al mund të përdoren vetëm nëse shfletuesi juaj është i konfiguruar të pranojë cookies.

Informacionet që ne mbledhim mund të botohen në formë anonime, p.sh. numri i përdoruesve në faqe. Informacionet e klientëve tanë janë një pjesë e rëndësishme e biznesit dhe ne nuk i shesim apo ndajmë ato me palë të tjera pa miratimin tuaj.

9. APLIKIMI PËR PUNË

Deklarata e Privatësisë

Kur aplikoni për punë në MR.BRICOLAGE, aplikimi juaj dhe të dhënat tuaja regjistrohen në sistemin tonë të rekrutimit të burimeve njerëzore sipas udhëzimeve më poshtë.

Kush i sheh të dhënat tuaja?

Aplikimi juaj dhe të dhënat personale do të përdoren vetëm për qëllime rekrutimi dhe do të vlerësohen nga menaxherët e rekrutimit të MR.BRICOLAGE, përfshirë:

  • Menaxherët e Dyqaneve
  • Menaxherët Rajonalë
  • Menaxherët e Departamenteve
  • Departamenti i Burimeve Njerëzore

Natyrisht, të dhënat tuaja personale do të trajtohen në mënyrë konfidenciale.

Përse na duhen të dhënat tuaja?

Kërkesa juaj dhe të dhënat personale do të ruhen në bazën e të dhënave të sistemit tonë të rekrutimit. Edhe në rast se ju nuk përzgjidheni fitues për pozitën e punës për të cilën keni aplikuar, të dhënat tuaja do të ruhen për pozita të lira të ardhshme të shpallura nga ana jonë.

Nëse dëshironi që të dhënat tuaja të fshihen, na kontaktoni në: hr@mr-bricolage.al.

Kërkesat rreth informacionit

Ju duhet të siguroheni që të dhënat personale që jepni janë të sakta dhe adekuate. Ju lutem, mos përfshini informacione personale si:

  • feja
  • orientimi seksual
  • raca
  • informacione shëndetësore

Vini re se adresa juaj e email përdoret si ID unike kur aplikoni për punë në MR.BRICOLAGE. Për këtë arsye ju sugjerojmë që të përdorni një adresë email personale në të cilën persona të tjerë nuk kanë qasje.

Siguria

Të gjitha të dhënat ruhen në server të sigurt nga MR.BRICOLAGE.

Pëlqimi

Nëse e pranoni Deklaratën e Mbrojtjes së të Dhënave bazuar në udhëzimet e mësipërme, ju lutem klikoni në kuti për të dhënë pëlqimin tuaj dhe ne pastaj do të jemi në gjendje të marrim dhe përpunojmë aplikimin tuaj.

10. TERMAT DHE KUSHTET SPECIFIKE TË MARRËDHËNIES B2B (BUSINESS TO BUSINESS)

Kjo pjesë ka të bëjë vetëm me termat dhe kushtet specifike për klientët të cilët blejnë produktet tona për përdorim komercial.

Garancia

Vini re se jo të gjitha produktet tona janë prodhuar për përdorim komercial, ku pritet që konsumi i produkteve të jetë më i fortë se për përdorim personal.

Nëse produktet blihen për qëllime komerciale, ato nuk mbulohen nga garancia.

Në rast se keni nevojë për udhëzime specifike se cilat produkte ju rekomandojmë për përdorim komercial, mund të kontaktoni me Shërbimin e Klientit.

E drejta e kthimit

Vini re se e drejta e kthimit është e pavlefshme për qëllime komerciale (apo tregtare). Për këtë arsye është e pamundur që ju të tërhiqeni nga një blerje e cila është bërë për qëllime komerciale.

Kjo vlen për blerjet që janë bërë në emrin e një biznesi apo organizate jofitimprurëse.

Përgjegjësia

Në asnjë rrethanë MR.BRICOLAGE nuk është përgjegjëse për:

  • humbjen e fitimeve
  • humbjen e operacioneve
  • ose humbje të tjera direkte apo indirekte

✅ Me këtë kapitull përfundon i gjithë dokumenti i pastruar.

Doni që t’ju bëj një përmbledhje të shkurtër të krejt tekstit (pikat kryesore të çdo kapitulli), apo mjafton që e keni të plotë dhe të pastruar?